14 de nov. de 2014

Zarampagalegando




Se vos gustan estas imaxes que ilustran sinónimos, preposicións ou campos semánticos, tedes que facervos seguidores de Zarampagalegando, o meu último pequeno gran descubrimento. Un blog cheo de espírito crítico, sentido do humor e moito amor pola lingua.

A súa creadora, «A churrusqueira», explica así como concibiu para o seu recuncho na arañeira ese nome sesquipedalista.
Comezarei explicando o nome do blog: tiña outras palabras na mente (zaragalladas, churrusqueiradas, fervellasverzas) pero xa estaban «pilladas», así que tiven que inventar un neoloxismo: mesturei zarampallada (barullo de cousas) e galegando (non existe, pero enténdese).
Como tantas veces na vida, unha cambadela pode acabar sendo boa cousa; así que agora estou contenta de que o meu
blog teña un nome que ata hoxe non existía.
Un blog de visita obrigada que recende a retranca e brincadeira. Aí van as miñas etiquetas favoritas: retranca, microrrelato, dicionario visual ou churrusquenciclopedia. Botádelle unha ollada!

3 comentarios:

Churrusqueira dixo...

Moitísimas, ho! Eu cheguei ao teu blog a través do de Cibrán e tamén achei moitas cousas de interese, que roubei sen pena nin culpa, como o rap lipogramático.

Carlos L. Medrano dixo...

Un prazer! Para iso andamos por aquí: copiar, pegar, divulgar... Andarei atento a todo o que vaias publicando. Unha aperta

Carlos L. Medrano dixo...

Un pracer! Estes dedos rápidos... ;-)

Related Posts Plugin for WordPress, Blogger...