14/10/2015

1º Certame de Microrrelatos Aconsonánticos

Hai un tempo falamos do checo, ese diabólico idioma capaz de crear frases enteiras, como «Strč prst skrz krk», sen empregar unha soa vogal. Un verdadeiro desafío para a gorxa e para a lingua de calquera.

O caso é que sempre me fascinou a facilidade do galego xusto para o contrario: para formar enunciados sen que ningún tipo de obstáculo entorpeza a saída dos sons pola cavidade bucal, é dicir, sen consoantes e unicamente con vogais. Os sons ceibos das sete vogais galegas adoitan entrar en combinación para formar unha chea de palabras e enunciados: «Oíao», «Aí ía eu»...


Unha idea que levaba un tempo a me rebulir na cabeciña e que acabou dando orixe ao seguinte texto, que poderiamos considerar un «microrrelato aconsonántico». Ou, se cadra, o primeiro trabalinguas que non traba lingua ningunha.


Seguro que calquera de vós pode atoparlle aínda máis rendemento ás nosas vogais. Daquela, queda oficialmente convocado o 1º Certame de Microrrelatos Aconsonánticos en Lingua Galega. Quen se anima?

5 comentarios:

Héctor Cajaraville dixo...

—Ei, oíu?
—Oía o «ai, ai, ai».
—Oíao!?
—Oía, oía... Oía o «i»...
—E a «a» óea?
—«A a» ou «o a»?
—«A a»... Ui, é «o a», ha, ha! Óeo?
—O «a»? Oio, ho! Eu oio o «ai», e aí hai o «a» e hai o «i».
—Aí ía eu.
—Ahhh...

Carlos L. Medrano dixo...

Bravo, Héctor!
Realmente bo!
Quen máis se anima?

Héctor Cajaraville dixo...

—Oe...
—Eh?
—Oe, ho...
—É o Eo?
—Éo, éo.
—Ohhh!
—He, he, he...

Anónimo dixo...

Oe aí ho!
Eu ia a Hio a Oia e ao Eo!
-Ao Eo?
-Aí, ao Eo ia eu.
-Aaaah!

Carlos L. Medrano dixo...

Moi ben! Dous máis. Isto anímase!

Related Posts Plugin for WordPress, Blogger...