14 de out. de 2016

2º Certame de Microrrelatos Aconsonánticos


Vaia zoupada! Un deses gifs de poder hipnótico co cómico trompazo dun malabarista do ioió. Non sei se perdeu os dentes. En todo caso, mesmo sen dentame, o protagonista podería participar perfectamente no noso 2º Certame de Microrrelatos Aconsonánticos.

Como vemos en Cotovía, un marabilloso recurso do IES Aquis Celenis (Caldas de Reis), o galego posúe un rico sistema vocálico. De feito, o curioso é que na nosa lingua resulta doado darmos con enunciados compostos só por vogais. Hai un ano, tal día como hoxe, 14 de outubro, lanzabamos aquí a proposta de crear relatos mínimos cunha única condición: que carecesen por completo de sons consonánticos. Houbo brillantes achegas. Hoxe, 365 días despois, propoñémosvos de novo o reto. Aquí vai un de colleita propia.


Queda aberto, daquela, o 2º Certame de Microrrelatos Aconsonánticos. Fagan xogo!

2 comentarios:

Breixo dixo...

Ei! Oia!
Eu?
Ai! Aí, Aí. Oe?
Aí? Eu oio o aio.
Oh! O aio. U é?
Eu óioo aí.
A aia?
O aio, ho!
U?
Ea! O aio!
Ah! O aio é... Uau!

Miguel Anxo Mouriño

Carlos L. Medrano dixo...

Bravo! Que mestría!
Quen dá máis?!

Related Posts Plugin for WordPress, Blogger...