31 de xan. de 2017

Os palíndromos tamén venden

Os nomes comerciais e os deseños de logotipos non adoitan crearse ao chou. A mente sempre fervente dos publicistas sérvese decote da ludolingüística para inspirar as súas creacións. Xa temos visto marcas monogramáticasambigramáticas e monovocálicas

Hoxe, unha listaxe de nomes comerciais palindrómicos, é dicir, que tanto se len do dereito como do revés. Designacións que resultan eufónicas ao oído e brillantes á vista. Outro exemplo máis do enxeño creativo na publicidade. E a orde? Pois sinxelo, dos máis breves aos máis longos. Aí van:

Para moi nostálxicos, deterxente ESE

Máis deterxentes: OMO

Arroz valenciano SOS

Pegamento alemán UHU

Buscador para as vacacións KAJAK

Asistencia sanitaria ASISA


Caramelos suízos SUGUS 

Clara de ovo pasteurizada OVONOVO

Colectivo de deseño internacional OVONOVO

OROBORO, produtora audiovisual compostelá


Marabilla palindrómica e ambigramática
(desenho de logotipo.pt):
OROBORO, bixutería artesanal

3 comentarios:

Churrusqueira dixo...

Quedouche atrás o cacao AMA. Non atopei fotos de boa calidade na Rede, mais era habitual nas tendas da miña nenez.

Idea (non sei se xa a abordarías nalgunha publicación): topónimos palindrómicos (Ibi, Sas, Sos...).

Carlos L. Medrano dixo...

Pois si, Churrus, aló atrás dedicámoslle unha entrada á rareza dos topónimos esdrúxulos.
http://xogosdelingua.blogspot.com.es/2015/09/de-neuquen-arra.html
Entre o que eu coñecía e o que foron dando nalgún comentario, apareceron varios: Arra, Orro, Sebes... e un fermosísimo Arieira! Eses que mencionas non saíran. Sas está en Sarreaus, e os outros?
Graciñas

Churrusqueira dixo...

Agora o lembro (glup!).Sos e Ibi non son galegos... xa sabes: o primeiro moi político-relixioso e o segundo tirando máis ao lúdico.

Related Posts Plugin for WordPress, Blogger...