02/06/2017

21 Días En Galego


Pilar Ponte e a xente do IES da Pobra do Caramiñal botaron a andar aló polo 2013 unha experiencia normalizadora moi atraente: «21 DÍAS CO GALEGO». Unha iniciativa deseñada para reflexionar sobre a propia relación coa lingua e, sobre todo, para falar, falar, falar... Con todo merecemento recibiu no 2015 o premio de innovación outorgado pola Consellería de Educación. 

Este ano, no Fogar de Santa Margarida, animámonos a seguir o seu ronsel e un grupo de alumnos e alumnas de 3ESO afrontaron o reto do noso particular «21 DÍAS EN GALEGO». Nun ámbito tan fortemente castelanizado como o da Coruña, estes rapaces viviron as tres semanas procurando desenvolverse en galego e gravando diariamente a súas reflexións e os retos lúdicos que se lle ían propoñendo.

Un destes xogos foi o «Pasagalego», outra invención xenial dos da Pobra baseada no popular concurso de televisión. Eles ofrecéronnos a nós este primeiro en vídeo. 



E ao cabo dunhas semanas, desde o Fogar devolvémoslles o agasallo.



Das moitas horas de gravación acumuladas, seleccionamos menos de 30 minutos que veñen resumir unha experiencia fantástica que esperamos repetir nos vindeiros cursos. 



Se cadra, axiña veremos o reto de «21 DÍAS EN GALEGO» espallado por máis centros do país. Por que non? Paga realmente a pena!

6 comentarios:

Cibrán dixo...

Excepcional. Mil parabéns!

Carlos L. Medrano dixo...

Graciñas, Cibrán.
Realmente creo que o esforzo pagou a pena.
É unha experiencia que recomendo para calquera centro.

Mercedes Queixas Zas dixo...

Estupenda iniciativa! Moitos parabéns!!!

Carlos L. Medrano dixo...

Moitas grazas, Mercedes.
Xa ves, aquí, seguindo o exemplo da nosa Pilar e dos seus rapaces.
Cantos máis mellor!
Un bico

Kike dixo...

Fantástica iniciativa, e que mérito o dos rapazes e raparigas.

Carlos L. Medrano dixo...

Realmente o desta rapazada ten moito mérito!
Moitas grazas!

Related Posts Plugin for WordPress, Blogger...